واشنگٹن ( پاک ترک نیوز) امریکہ نے ایران کے خلاف ایک بار پھر فوجی کارروائیاں کرتے ہوئے قیشم جزیرے، بوشہر، بندر عباس، ابوموسیٰ اور دیگر مقامات پر حملے کیے، جہاں متعدد دھماکوں کی اطلاعات موصول ہوئی ہیں۔
امریکی سینٹرل کمانڈ کے مطابق یہ کارروائیاں مشرقِ وسطیٰ میں تعینات امریکی افواج پر ہونے والے حملوں کے جواب میں کی گئیں۔ سینٹکام کا کہنا ہے کہ امریکی افواج اور مفادات کے تحفظ کے لیے ضروری اقدامات جاری رہیں گے۔
دوسری جانب ایران کے خلاف تازہ امریکی کارروائیوں کے بعد مشرقِ وسطیٰ میں کشیدگی مزید بڑھنے اور علاقائی صورتحال پیچیدہ ہونے کا خدشہ ظاہر کیا جا رہا ہے، جبکہ مختلف ممالک صورتحال پر گہری نظر رکھے ہوئے ہیں۔
یہ بھی پڑھیں: ایران کو سخت مار پڑنے والی ہے،ڈونلڈ ٹرمپ
ادھر مصر کی ایک بندرگاہ پر بھی ڈرون حملہ کیا گیا، جس کے نتیجے میں دو جہازوں میں آگ بھڑک اٹھی۔ برطانوی بحری سکیورٹی کمپنی کے مطابق حملے میں ایک امریکی گیس اسٹوریج ٹینکر کو نشانہ بنایا گیا، تاہم فوری طور پر جانی نقصان کی تفصیلات سامنے نہیں آئیں۔
