دبئی (پاک ترک نیوز) آئی سی سی نے امریکی کرکٹر بودوگم اکھیلیش ریڈی پر اینٹی کرپشن کوڈ کی خلاف ورزی ثابت ہونے کے بعد آٹھ سال کی پابندی عائد کر دی۔
آئی سی سی کے مطابق بودوگم اکھیلیش ریڈی اب آٹھ سال تک کسی بھی طرز کی کرکٹ میں حصہ نہیں لے سکیں گے۔ پابندی کا اطلاق 21 نومبر 2025 سے ہوگا، جب انہیں عارضی طور پر معطل کیا گیا تھا۔
آئی سی سی کا کہنا ہے کہ ریڈی پر 2025 کی ابوظہبی ٹی ٹین لیگ کے دوران میچ فکسنگ کی کوشش کرنے کا الزام ثابت ہوا ہے۔ تحقیقات میں یہ بھی سامنے آیا کہ انہوں نے دیگر کھلاڑیوں کو بھی میچ فکسنگ میں ملوث کرنے کی کوشش کی۔
یہ بھی پڑھیں: ورلڈ کپ 2027 ہدف، مکمل فٹ ہوں اور کم بیک کے لیے تیار ہوں: فخر زمان
بیان کے مطابق تفتیش کے دوران بودوگم اکھیلیش ریڈی نے اپنے موبائل فون سے اہم ڈیٹا اور پیغامات حذف کیے، جسے اینٹی کرپشن قوانین کی خلاف ورزی قرار دیا گیا۔
آئی سی سی نے کہا ہے کہ کھیل کی شفافیت اور دیانت برقرار رکھنے کے لیے بدعنوانی میں ملوث عناصر کے خلاف سخت کارروائی جاری رکھی جائے گی۔
