بیجنگ ( پاک تر ک نیوز) پاکستانی خلا باز رواں سال چین کے خلائی اسٹیشن کے شینزو-24 مشن میں حصہ لے گا، جس کے ساتھ ہی پاکستان چین کے خلائی اسٹیشن پر خلا باز بھیجنے والا پہلا غیر ملکی ملک بن جائے گا۔چینی سرکاری میڈیا کے مطابق پاکستانی خلا باز بطور پے لوڈ اسپیشلسٹ مشن میں شریک ہوگا، تاہم چین نے تاحال خلا باز کا نام ظاہر نہیں کیا۔ پاکستانی پائلٹس ذیشان علی اور خرم داؤد بیجنگ میں خلا بازی کی تربیت حاصل کر رہے ہیں۔
یہ بھی پڑھیں:پیٹرولیم لیوی ختم نہ ہوئی تو حکومت سے مذاکرات نہیں کریں گے، حافظ نعیم الرحمن
پاکستانی خلا باز مختصر مدتی خلائی پرواز کے بعد شینزو-23 مشن کے ذریعے زمین پر واپس آئے گا۔ یہ چین کے انسانی خلائی پروگرام کی تاریخ میں پہلی مشترکہ خلائی پرواز ہوگی۔چین اور پاکستان کے درمیان خلائی تعاون بیلٹ اینڈ روڈ انیشی ایٹو کے تحت جاری ہے، جسے دونوں ممالک کے سائنسی اور تکنیکی تعاون میں اہم پیش رفت قرار دیا جا رہا ہے۔
