لاہور( پاک ترک نیوز) ویسٹ انڈیز کے خلاف جاری ٹیسٹ سیریز کے دوسرے میچ سے قبل قومی کرکٹ ٹیم کو بڑا دھچکا لگ گیا ، اوپننگ بیٹر شان مسعود انگلی کی انجری کے باعث دوسرے ٹیسٹ میں شرکت نہیں کر سکیں گے۔
ذرائع کے مطابق پہلے ٹیسٹ میچ کے دوران شان مسعود کی انگلی پر گیند لگی تھی، جس کے بعد ان کے مختلف اسکین اور طبی معائنے کیے گئے۔ میڈیکل ٹیم نے انجری کے پیش نظر انہیں مکمل آرام کا مشورہ دیا ہے، جس کے باعث وہ 2 اگست سے شروع ہونے والے دوسرے ٹیسٹ میچ کے لیے دستیاب نہیں ہوں گے۔
ڈاکٹرز کے مطابق شان مسعود کی انگلینڈ کے خلاف آئندہ سیریز میں شرکت کا فیصلہ ان کی مکمل فٹنس سے مشروط ہوگا۔
یہ بھی پڑھیں: گلگت بلتستان میں برفانی تودہ گرنےسے 10 کوہ پیما لاپتا
دوسری جانب قومی ٹیم کے لیے خوش آئند خبر یہ ہے کہ بیٹرز عبداللہ شفیق اور سعود شکیل نے قومی اسکواڈ کو جوائن کر لیا ہے، جس سے ٹیم کو بیٹنگ لائن اپ میں مزید مضبوطی ملنے کی توقع ہے۔
واضح رہے کہ پاکستان دو ٹیسٹ میچوں کی سیریز میں ایک صفر سے خسارے میں ہے اور دوسرے ٹیسٹ میں کامیابی حاصل کر کے سیریز برابر کرنے کے لیے پُرعزم ہے۔ ذرائع کے مطابق پہلے میچ میں ناقص کارکردگی کے بعد ہیڈ کوچ سرفراز احمد بھی دوسرے ٹیسٹ کے لیے پلیئنگ الیون میں تبدیلیوں کا عندیہ دے چکے ہیں۔
