لندن (پاک ترک نیوز )انگلینڈ کے خلاف ٹیسٹ سیریز میں مسلسل شکستوں کے بعد پاکستان کرکٹ ٹیم میں نظم و ضبط اور طرزِ عمل کی تحقیقات شروع کردی گئی ہیں۔پاکستان کرکٹ بورڈ نے تحقیقات کے سلسلے میں دو کھلاڑیوں کے موبائل فون ضبط کرکے ان کا جائزہ لیا ہے، تاہم دونوں کھلاڑیوں کے نام ظاہر نہیں کیے گئے۔پاکستان کو انگلینڈ کے خلاف سیریز میں دو صفر کی برتری سے شکست کا سامنا ہے اور تیسرا ٹیسٹ کل ایجبسٹن میں کھیلا جائے گا۔
لارڈز ٹیسٹ میں شکست کے بعد پاکستان نے ٹیم میں بڑے پیمانے پر تبدیلیاں کرتے ہوئے سات کھلاڑیوں کو واپس بھیج دیا جبکہ کوچنگ اسٹاف میں بھی ردوبدل کیا گیا۔سرفراز احمد کی جگہ نیوزی لینڈ کے مائیک ہیسن کو سفید گیند کی ٹیم سے ٹیسٹ سیٹ اپ میں لایا گیا، جبکہ محمد رضوان، سلمان علی آغا اور اسپنر علی عثمان سمیت متعدد کھلاڑیوں کو وطن واپس بھیج دیا گیا۔پی سی بی کے سربراہِ مواصلات عامر میر نے کہا ہے کہ میڈیا رپورٹس میں سامنے آنے والے نظم و ضبط اور طرزِ عمل سے متعلق معاملات پر اندرونی انکوائری شروع کردی گئی ہے۔
یہ بھی پڑھیں: حکومت نے عوام پر پٹرول بم گرا دیا، پٹرول 12 روپے 90 پیسے مہنگا
ان کا کہنا تھا کہ معاملے کی تحقیقات پی سی بی کے ضابطوں اور معمول کے طریقہ کار کے مطابق کی جارہی ہیں، جبکہ غیر مصدقہ اطلاعات کو قابلِ اعتبار نہ سمجھا جائے۔
