برمنگھم ( پاک ترک نیوز) پاکستان اور انگلینڈ کے درمیان تیسرے ٹیسٹ میچ کا آج سے آغاز ہورہا ہے ۔شاہینوں پر کلین سوئپ کا خطرہ منڈلانے لگا ۔قومی ٹیم میں بڑی تبدیلیوں کا امکان ہے ۔صائم ایوب اور عبید شاہ کی حتمی الیون میں شامل ہونے کا امکان ہے ۔ بابراعظم کی پوزیشن میں بھی تبدیلی کا امکان ہے ۔
پاکستان اور انگلینڈ کی ٹیمیں آج تیسرے ٹیسٹ میچ میں مد مقابل آئیں گی ۔ یہ میچ برمنگھم میں کھیلا جا رہا ہے ۔ شکست کے بھنور میں پھنسی قومی ٹیم پر کلین سوئپ کا خطرہ بھی منڈلانے لگا ہے ۔میزبان ٹیم نے پہلے دوٹیسٹ میچز میں کامیابی حاصل کر کے سیریز اپنے نام کر رکھی ہے ۔ پلئینگ الیون میں کیریبین لیگ کا حصہ رہنے والے صائم ایوب کی شمولیت کاقوی امکان ہے ۔عبید شاہ اور رضا اللہ بھی ٹیم کا حصہ ہوسکتے ہیں ۔ عبید شاہ اس سے قبل ایک ٹیسٹ کھیل چکے ہیں جبکہ رضا اللہ کا غیر روایتی ایکشن اور رفتار انگلینڈ کے لیے حیران کن عنصر ثابت ہو سکتی ہے۔
یہ بھی پڑھیں: بابراعظم ٹیسٹ ٹیم میں بڑی تبدیلیوں سے لاعلم
دوسری جانب نئے کوچنگ سیٹ اپ میں مائیک ہیسن اور ایشلے نوفکے بھی شامل ہیں۔واضح رہے کہ قومی ٹیم میں انگلینڈ سے سیریز ہارنے کے بعد متعدد تبدیلیاں کی گئی تھیں ۔محمد رضوان ، امام الحق سمیت متعدد کھلاڑیوں کو واپس بلا لیا گیا تھا اور ان کی جگہ 7نئے کھلاڑیوں کو انگلینڈ بھجوایا گیا تھا ۔
