برمنگھم ( پاک ترک نیوز) پاکستان اور انگلینڈ کے درمیان جاری تین ٹیسٹ میچوں پر مشتمل سیریز میں انگلینڈ ٹیم کی میچ پر گرفت مضبوط ہوگئی ۔انگلینڈ 156رنز 4کھلاڑی آئوٹ سے آج دوسرے دن کا آغاز کرے گا ۔
پاکستان ٹیم نے تیسرے ٹیسٹ میچ کے پہلے روز اپنی پہلی اننگز میں 133رنز بنائے تھے جس کے جواب میں انگلینڈ نے 6وکٹوں کے نقصان پر 156رنز بنا لئے اور اسے پہلی اننگز میں پاکستان پر 23رنز کی برتری حاصل ہوگئی ہے ۔
پاکستان بیٹنگ لائن ایک مرتبہ پھر دھوکہ دے گئی اور آغاز سے ہی وکٹیں گرنے کا سلسلہ شروع ہو گیا ۔صائم ایوب بغیر کوئی رن بنائے پویلین لوٹ گئے جبکہ عبداللہ شفیق 3،اذان اویس 9،شان مسعود 5،بابراعظم 7رنز ہی بنا سکے ۔
سعود شکیل کچھ دیر مزاحمت کرتے رہے اور 43رنز ہی بنا سکے ۔پاکستان کی پوری ٹیم 133رنز پر آئوٹ ہو گئی ۔انگلینڈ کا آغا بھی زیادہ متاثر کن نہیں تھا بین ڈکٹ 11رنز بنا کر پویلین لوٹ گئے ۔جورڈن 4جبکہ کپتان جوئے روٹ 8رنز ہی بنا سکے ۔ اوپننگ بلے باز ایمولی نے 60رنز بنائے ۔
یہ بھی پڑھیں: اسحاق ڈار کا ترک وزیر خارجہ سے ٹیلیفونک رابطہ، فلسطین پر مشترکہ مؤقف کا اعادہ
ہیری بروک 52جبکہ لارنس 5رنز بنا کر کریز پر موجود ہیں ۔
واضح رہے کہ تین ٹیسٹ میچوں پر مشتمل سیریز میزبان ٹیم انگلینڈ پہلے دو میچز جیت کر اپنے نام کر چکی ہے جبکہ شاہینوں پر کلین سوئپ کا خطرہ منڈلا رہا ہے۔
