واشنگٹن(پاک ترک نیوز ) امریکی ریاست مینیسوٹا سے تعلق رکھنے والی مسلمان رکنِ کانگریس الہان عمر پر ٹاؤن ہال اجلاس کے دوران سرکہ پھینکنے والے شخص کو وفاقی عدالت نے 14 ماہ قید کی سزا سنا دی۔عدالت نے ملزم کو قید کی سزا مکمل ہونے کے بعد تین سال تک نگرانی میں رکھنے کا بھی حکم دیا ہے، جبکہ اس دوران الہان عمر سے کسی بھی قسم کا رابطہ کرنے پر پابندی ہوگی۔
یہ بھی پڑھیں: ایران جنگ پر بڑا فیصلہ کرنے والا ہوں،ڈونلڈ ٹرمپ
واقعہ 27 جنوری کو منیاپولس میں منعقدہ ٹاؤن ہال اجلاس کے دوران پیش آیا تھا۔ 56 سالہ ملزم انتھونی جیمز کازمرچک نے پہلی صف سے چھلانگ لگا کر الہان عمر پر ایک سرنج کے ذریعے پانی اور سیب کے سرکے کا آمیزہ پھینکا اور ان سے مستعفی ہونے کا مطالبہ کیا تھا۔سکیورٹی اہلکاروں نے فوری کارروائی کرتے ہوئے ملزم کو قابو کرکے پولیس کے حوالے کردیا تھا۔ واقعے میں الہان عمر کو کوئی جسمانی نقصان نہیں پہنچا تھا
