کراچی ( پاک ترک نیوز) کراچی کے علاقے لیاری میں غیر قانونی طور پر 70 دن میں 7 منزلہ عمارت تعمیر کرنے کا انکشاف ہوا ہے۔
غیر قانونی تعمیرات اور انسانی جانوں کو داؤ پر لگانے پر شہری سندھ ہائیکورٹ پہنچ گیا،شہری زاہد حسین نے لیاری میں غیر قانونی عمارت کی تعمیرات کے خلاف درخواست دائر کردی ۔
سندھ حکومت، ایس بی سی اے ، اینٹی انکروچمنٹ ، لینڈ ڈپارٹمنٹ، بلڈرز شاہ جہان اور شاہ نواز کو بھی فریق بنایا گیا ،درخواست گزار نے کہا لیاری کے علاقے آگرہ تاج میں بلڈرز کی جانب سے غیر قانونی طور پر عمارت تعمیر کی گئی ہے۔
عمارت ایس بی سی اے سمیت دیگر قوانین کے خلاف تعمیر کی گئی ،عمارت کی تعمیرات میں ناقص مٹیریل استعمال کیا گیا ہے، شکایت کے باوجود ایس بی سی اے نے غیر قانونی تعمیرات کے خلاف کارروائی نہیں کی ،غیر قانونی عمارت کو مسمار کرنے کا حکم دیا جائے۔
70دن میں 7منزلہ عمارت کی تعمیر
