کراچی ( پاک ترک نیوز)میر رضا قتل کیس کی تحقیقات کے لیے قائم مشترکہ تحقیقاتی ٹیم (جے آئی ٹی) کا پہلا اجلاس آج شام 4 بجے ڈی آئی جی ویسٹ زون کے دفتر میں ہوگا۔اجلاس کی سربراہی ڈی آئی جی ویسٹ زون عرفان علی بلوچ کریں گے، جس میں آئی ایس آئی، آئی بی، پاکستان رینجرز اور نیشنل سائبر کرائم انویسٹی گیشن ایجنسی (این سی سی آئی اے) کے نمائندے شرکت کریں گے۔متعلقہ اداروں کے گریڈ 18 یا اس سے زائد کے افسران کو اجلاس میں شرکت کی ہدایت کی گئی ہے، جبکہ مقتول میر رضا کے اہلخانہ کو بھی جے آئی ٹی اجلاس میں طلب کیا گیا ہے۔
یہ بھی پڑھیں: گورنرفیصل کریم کنڈی کا 9 نومبرسے پشاور تا لاہور براہِ راست فضائی سروس کا اعلان
اجلاس میں اہلخانہ کا مؤقف ریکارڈ کیا جائے گا اور ان کی جانب سے پیش کیے گئے شواہد کا بھی جائزہ لیا جائے گا۔واضح رہے کہ سندھ ہوم ڈیپارٹمنٹ کے حکم پر میر رضا قتل کیس کی تحقیقات کے لیے جے آئی ٹی تشکیل دی گئی تھی۔ واقعے کا مقدمہ تھانہ فیروز آباد کراچی میں درج ہے۔
