اسلام آباد ( پاک ترک نیوز) سعودی عرب کا 96واں قومی دن پاکستان اور سعودی عرب کے درمیان برادرانہ تعلقات، باہمی اعتماد اور مضبوط شراکت داری کی تجدید کا دن ہے۔پاکستان اور سعودی عرب کے تعلقات محض سفارتی روابط تک محدود نہیں بلکہ عقیدت، اعتماد، اخوت اور باہمی احترام پر قائم ایک لازوال بندھن ہیں۔کئی دہائیوں پر محیط پاک سعودی تعلقات سفارت کاری سے آگے بڑھ کر دفاع، سلامتی، معیشت اور تزویراتی تعاون کے وسیع شعبوں تک پھیل چکے ہیں۔
یہ بھی پڑھیں: بھارت مقبوضہ کشمیر کی مذہبی شناخت کونقصان پہنچانے کی کوششیں کررہاہے،اسحاق ڈار
حالیہ برسوں میں دونوں ممالک کے درمیان دفاعی تعاون کو مزید وسعت ملی ہے، جبکہ مکہ دفاعی معاہدہ پاک سعودی دفاعی شراکت داری کو مزید مضبوط بنانے کی جانب ایک اہم پیش رفت قرار دیا جارہا ہے۔دونوں برادر ممالک نے مشکل وقت میں ایک دوسرے کا ساتھ دے کر باہمی اعتماد کی مضبوط روایت قائم کی ہے۔پاکستان اور سعودی عرب کے درمیان دفاعی تعاون خطے میں امن، استحکام اور مشترکہ سلامتی کے عزم کا نمایاں مظہر ہے۔سعودی عرب کے قومی دن کے موقع پر پوری پاکستانی قوم برادر سعودی عوام اور قیادت کو دلی مبارکباد پیش کرتی ہے اور دونوں ممالک کی ترقی، خوشحالی، امن اور مضبوط تعلقات کے لیے نیک تمناؤں کا اظہار کرتی ہے۔
