ابوظہبی ( پاک ترک نیوز) سعودی عرب کے وزیرِ دفاع شہزادہ خالد بن سلمان نے متحدہ عرب امارات کا دورہ کیا ہے، جہاں انہوں نے ابو ظہبی میں اماراتی صدر شیخ محمد بن زاید آل نہیان سے ملاقات کی۔ ملاقات میں خطے کی موجودہ صورتِ حال، سلامتی کے استحکام اور دونوں ممالک کے درمیان تعاون مزید مضبوط بنانے پر تبادلۂ خیال کیا گیا۔
اماراتی خبر ایجنسی کے مطابق ملاقات میں علاقائی پیش رفت اور سلامتی سے متعلق امور زیرِ بحث آئے۔شہزادہ خالد بن سلمان نے سماجی رابطے کی ویب سائٹ پر اپنے بیان میں کہا کہ ملاقات کے دوران دونوں برادر ممالک کے درمیان گہرے اور تاریخی تعلقات کی اہمیت کا اعادہ کیا گیا۔ ان کے مطابق خطے کی صورتِ حال میں ہونے والی پیش رفت، باہمی تعاون کے فروغ اور مشترکہ خلیجی اقدامات سے متعلق امور پر بھی گفتگو ہوئی۔
یہ بھی پڑھیں: سفارش کا دور ختم، پشاور سمیت پورے خیبرپختونخوا کو تجاوزات سے پاک کریں گے، فیصل کریم کنڈی
سعودی وزیرِ دفاع نے متحدہ عرب امارات کے نائب صدر شیخ منصور بن زاید آل نہیان سے بھی ملاقات کی۔
