ریاض ( پاک ترک نیوز) سعودی عرب اور عراق کے وزرائے خارجہ کے درمیان ٹیلیفونک رابطہ ہوا ہے، جس میں دوطرفہ تعلقات اور باہمی تعاون کو مزید مضبوط بنانے پر تبادلہ خیال کیا گیا۔سعودی وزیر خارجہ شہزادہ فیصل بن فرحان اور عراقی ہم منصب فواد حسین کے درمیان ہونے والی اس گفتگو میں خطے کی صورتحال پر بھی بات چیت کی گئی۔ اس موقع پر عراقی وزیر خارجہ نے سعودی عرب میں شہریوں اور تنصیبات پر ہونے والے حملوں کی شدید مذمت کی اور یقین دہانی کرائی کہ عراق اپنی سرزمین کو سعودی عرب یا کسی بھی ہمسایہ ملک کے خلاف استعمال نہیں ہونے دے گا۔
یہ بھی پڑھیں: امریکی صدر ڈونلڈ ٹرمپ کا ایک بار پھر ایران پر فوجی حملے کا اشارہ
عراقی وزیر خارجہ کے بیان کا خیرمقدم کرتے ہوئے سعودی وزیر خارجہ شہزادہ فیصل بن فرحان نے خطے میں امن و استحکام کے فروغ اور کشیدگی کم کرنے کے لیے کی جانے والی تمام کوششوں کی بھرپور حمایت کا اعادہ کیا۔
