اسلام آباد ( پاک ترک نیوز) ملک بھر میں آج چہلم نواسہ رسول عقیدت و احترام سے منایا جا رہا ہے، سیکیورٹی کے فول پروف انتظامات کئے گئے ہیں ۔
شہر قائد کراچی میں نواسہ رسول امام حسین کے چہلم کا مرکزی جلوس آج نشتر پارک سے برآمد ہوگا۔جلوس روایتی راستوں سے ہوتا ہوا حسینیہ ایرانیاں امام بارگاہ کھارادر پہنچ کر اختتام پذیر ہوگا
ایم اے جناح روڈ گرو مندر سے ٹاور تک ہر قسم کی ٹریفک کے لیے بند رہے گی ۔ناظم آباد سے آنے والی ٹریفک کو لاسبیلہ چوک سے گارڈن کی جانب موڑا جائے گا۔
شاہراہِ فیصل سے آنے والی ٹریفک کو سوسائٹی سگنل سے متبادل راستوں پر بھیجا جائے گا۔جلوس کے راستے میں صرف خصوصی اسٹیکر والی گاڑیوں کو داخلے کی اجازت ہوگی ۔
جلوس کے راستے پر ہر قسم کی پارکنگ ممنوع، خلاف ورزی پر کارروائی ہوگی۔ ٹریفک پولیس کا کہناہے کہ شہریوں سے اپیل، غیر ضروری سفر سے گریز کریں اور متبادل راستے اختیار کریں۔
دوسری جانب لاہور میں بھی نواسہ رسول امام حسین اور ان کے جاں نثار ساتھیوں کے چہلم کا مرکزی جلوس برآمد ہوا۔ شبیہ تعزیہ کا مرکزی جلوس حویلی الف شاہ، اندرون دہلی دروازہ لاہور سے برآمد ہوا۔
اس سے قبل حویلی الف شاہ میں مجلس عزا کا انعقاد کیا گیا۔ جس سے علما اکرام نے مصائب امام حسینؑ بیان کریں گے ۔
جلوس اپنے مقررہ راستوں سے ہوتا ہوا رات گئے کربلا گامے شاہ پہنچ کر اختتام پذیر ہوگا۔ جلوس کے راستے میں عزاداروں کے لیے سبیلوں اور نیاز کا خصوصی انتظام کیا گیا ہے تاکہ عزاداروں کو سہولت فراہم کی جا سکے۔
یہ بھی پڑھیں:آبنائے ہرمز میں کسی دوسرے راستے کی اجازت نہیں دی جائے گی: ایران
انتظامیہ کی جانب سے جلوس کے دوران سکیورٹی کے سخت انتظامات کیے گئے ہیں، اور پولیس کی 12 ہزار اہلکاروں کی نفری تعینات کی گئی ہے تاکہ جلوس پُرامن ماحول میں مکمل ہو سکے۔
جلوس نوگزہ چوک سے ترنم چوک اور ٹبی چوک سے ہوتا ہوا بھاٹی گیٹ پہنچے گا۔،جلوس مقررہ راستوں سےہوتاہوارات گئےکربلاگامےشاہ پہنچ کراختتام پذیرہوگا۔لاہور میں آج 73 مجالس اور 34 جلوس برآمد ہوں گے۔
