اسلام آباد(پاک ترک نیوز)وزیراعظم محمد شہباز شریف نے ایل پی جی (LPG) کی قیمتوں کے حوالے سے اہم فیصلہ کرتے ہوئے آئل اینڈ گیس ریگولیٹری اتھارٹی (اوگرا) کے بجائے پاکستان اسٹیٹ آئل (PSO) اور سوئی سدرن گیس پائپ لائن کمپنی (SSGPL) کو ملک بھر میں ایل پی جی کی قومی قیمت کا تعین کرنے کا اختیار دے دیا ہے۔ وفاقی وزیر پیٹرولیم علی پرویز ملک کی جانب سے اس فیصلے پر عمل درآمد کا آغاز کر دیا گیا ہے، جس کا بنیادی مقصد ایل پی جی کی قیمتوں کو کنٹرول کرنا اور مارکیٹ میں ضابطہ کاری کو بہتر بنانا ہے۔
یہ بھی پڑھیں: پہلا ٹیسٹ دوسرا روز ،پاکستان کی سری لنکا کیخلاف پراعتماد بیٹنگ جاری
حکام کے مطابق ایل پی جی سے لدے ہوئے نئے امپورٹ جہازوں کے آرڈرز بھی دے دیے گئے ہیں جو آئندہ ہفتے پاکستان پہنچ جائیں گے۔حکومت کو قوی امید ہے کہ اس اقدام اور درآمدی کھیپ کی آمد کے نتیجے میں پاکستان بھر میں ایل پی جی کی قیمتوں میں تیزی سے نمایاں کمی واقع ہوگی۔
