تہران ( پاک ترک نیوز) ایران کے سپریم لیڈر آیت اللّٰہ مجتبیٰ خامنہ ای کے سینئر مشیر میجر جنرل محسن رضائی نے کہا ہے کہ ایران اپنے موقف پر قائم ہے کہ ہرمز امریکا کی شرائط پر دوبارہ نہیں کھلے گی۔
مشیرسپریم لیڈر جنرل محسن رضائی نے اپنے بیان میں امریکا کو خبر دار کیا ہے کہ جنگی جہاز یا فوج لائی گئی تو اسے بھی نشانہ بنائیں گے، لیکن آبنائے ہرمز میں کسی دوسرے راستے کی اجازت نہیں دی جائے گی۔
یہ بھی پڑھیں: یوم شہدائے پولیس آج عقیدت و احترام کے ساتھ منایا جائے گا
انہوں نے کہا کہ بہت سے جہاز ایران کی وارننگ پر واپس مڑ رہے ہیں، امریکا کا حکم ماننے والے جہاز نقصان اٹھاتے ہیں اور پھر خود ہی مڑ جاتے ہیں۔
سینئر مشیر نے انکشاف کیا کہ ایران نے یوکرین میں تین اہداف پر حملوں کی تیاری کر لی تھی تاہم یوکرین نے فون کرکے ایرانی جہاز پر حملے کو اپنی غلطی قرار دیدیا جس پر حملے کا ارادہ ترک کر دیا گیا۔ ایران اس وقت یوکرین کے دعوے کا جائزہ لے رہا ہے تاہم یوکرین کو حملے کے نتائج ہر صورت نتائج بھگتنا ہوں گے۔
