ریاض(پاک ترک نیوز) سعودی عرب میں شیڈول اے ایف سی ایشین کپ 2027 ملتوی کردیا گیا، ایشین فٹبال کنفیڈریشن نے ایونٹ نئی تاریخوں پر منعقد کرنے کی تصدیق کردی ہے۔اے ایف سی کے مطابق ایشین کپ اب 23 دسمبر 2027 سے 21 جنوری 2028 تک سعودی عرب میں کھیلا جائے گا۔ اس سے قبل ایونٹ 7 جنوری سے 5 فروری 2027 تک شیڈول تھا۔غیر ملکی خبر ایجنسی کے مطابق سعودی دارالحکومت ریاض پر حالیہ حملے بھی ایونٹ ملتوی ہونے کے پس منظر میں سامنے آئے ہیں۔ آرگنائزنگ کمیٹی کا کہنا ہے کہ خطے میں غیر معمولی سفارتی پیش رفت، سیکیورٹی صورتحال، لاجسٹک پیچیدگیوں اور سفر کے مسائل کے پیش نظر ٹورنامنٹ کی تاریخیں تبدیل کی گئی ہیں۔
یہ بھی پڑھیں: روس کا نیا فلین کروز میزائل پہلی بارمنظرِ عام پر
ایشین کپ ایشیا کا سب سے بڑا قومی فٹبال ایونٹ ہے، جس میں براعظم کی بہترین ٹیمیں ٹائٹل کے حصول کے لیے میدان میں اترتی ہیں۔
