مہمند( پاک ترک نیوز) خیبرپختونخوا کے ضلع مہمند میں انسدادِ پولیو ٹیم کی سکیورٹی پر مامور پولیس اہلکاروں پر نامعلوم مسلح ملزمان کی فائرنگ سے دو اہلکار شہید اور ایک زخمی ہوگیا۔
پولیس کے مطابق واقعہ ڈاگ تمانزئی کے علاقے میں پیش آیا، جہاں پولیو مہم کی ڈیوٹی پر جانے والے اہلکاروں کو نشانہ بنایا گیا۔ فائرنگ کے نتیجے میں دو پولیس اہلکار موقع پر ہی شہید ہوگئے، جبکہ زخمی اہلکار کو طبی امداد کے لیے اسپتال منتقل کردیا گیا۔
یہ بھی پڑھیں: چین کا چاند پر انسان اتارنے کا منصوبہ،2 راکٹ خلا میں بھیجے جائیں گے
پولیس کا کہنا ہے کہ ملزمان کی گرفتاری کے لیے علاقے کی ناکہ بندی کرکے سرچ آپریشن شروع کردیا گیا ہے۔
