لاہور(پاک ترک نیوز )پنجاب میں مون سون بارشوں کا نواں اور آخری اسپیل آج سے شروع ہونے کی توقع ہے، پی ڈی ایم اے نے سترہ ستمبر تک صوبے کے بیشتر اضلاع میں بارشوں کی پیش گوئی کردی۔محکمہ موسمیات کے مطابق راولپنڈی، لاہور، گوجرانوالہ اور فیصل آباد میں شدید بارش کے باعث شہری علاقوں میں پانی جمع ہونے اور اربن فلڈنگ کا خدشہ ہے۔مری، گلیات اور دیگر پہاڑی علاقوں میں بارش کے باعث لینڈ سلائیڈنگ کا خطرہ بھی ظاہر کیا گیا ہے، جبکہ متعلقہ اداروں کو احتیاطی اقدامات کی ہدایت کی گئی ہے۔
یہ بھی پڑھیں: آبنائے ہرمز کھولنے کیلئے ایران کی امریکا کو 7 شرائط پیش
دوسری جانب سندھ کے کئی اضلاع میں بھی آج شام سے بارشوں کا سلسلہ شروع ہونے کا امکان ہے۔ تھرپارکر، میرپورخاص، بدین، حیدرآباد اور خیرپور سمیت مختلف علاقوں میں سولہ ستمبر تک بارش کی پیش گوئی کی گئی ہے۔کراچی میں بھی چودہ سے سولہ ستمبر کے دوران گرج چمک کے ساتھ ہلکی بارش متوقع ہے۔پی ڈی ایم اے نے شہریوں کو بارش کے دوران غیر ضروری سفر سے گریز اور نشیبی علاقوں میں احتیاطی تدابیر اختیار کرنے کی ہدایت کی ہے۔
