لاہور(پاک ترک نیوز) پنجاب کے بیشتر علاقوں میں مطلع جزوی ابر آلود رہنے جبکہ مختلف شہروں میں شام اور رات کے اوقات میں بارش کی پیش گوئی کی گئی ہے۔
مری، گلیات، اٹک، چکوال، جہلم، سیالکوٹ، نارووال اور راولپنڈی میں بارش کا امکان ہے، جبکہ میانوالی، حافظ آباد، گجرات، گوجرانوالہ، فیصل آباد، خوشاب، سرگودھا، جھنگ اور ساہیوال میں بھی بارش ہوسکتی ہے۔
خانیوال، ملتان، لیہ، بھکر، ڈیرہ غازی خان، اوکاڑہ، لاہور، قصور اور گردونواح میں چند مقامات پر تیز ہواؤں اور گرج چمک کے ساتھ بارش متوقع ہے۔ اس دوران بعض علاقوں میں ژالہ باری بھی ہوسکتی ہے۔
دوسری جانب لاہور میں اس وقت درجہ حرارت 28 ڈگری سینٹی گریڈ ریکارڈ کیا گیا ہے، جبکہ زیادہ سے زیادہ درجہ حرارت 31 ڈگری سینٹی گریڈ تک رہنے کا امکان ہے۔ شہر میں آج شام بارش کی پیش گوئی کی گئی ہے۔
لاہور میں ہوا میں نمی کا تناسب 55 فیصد جبکہ فضائی آلودگی کا اشاریہ 152 ریکارڈ کیا گیا ہے، جو غیر صحت بخش فضائی معیار کی نشاندہی کرتا ہے۔
