تہران ( پاک ترک نیوز) ایرانی پاسداران انقلاب نے آبنائے ہرمز میں امریکی بحری جہازوں اور آئل ٹینکرز کو نشانہ بنانے کا دعویٰ کیا ہے۔ایرانی بحریہ کے مطابق آبنائے ہرمز میں غیر مجاز راستوں سے گزرنے والے تین آئل ٹینکرز اور تین امریکی بحری جہازوں کو بھی نشانہ بنایا گیا۔ایرانی حکام کا کہنا ہے کہ امریکی طیارہ بردار جہاز اور ایک ڈسٹرائر پر بیلسٹک میزائل داغے گئے۔
یہ بھی پڑھیں: امریکا اورچین کی خلا میں جنگ کی تیاریاں
دوسری جانب ایرانی وزیر خارجہ عباس عراقچی نے سعودی عرب اور ترکی کے وزرائے خارجہ سے ٹیلیفونک رابطے کیے ہیں۔تینوں وزرائے خارجہ نے علاقائی صورتحال پر تبادلہ خیال کیا، جبکہ خطے میں امن کے قیام کے لیے سفارتی کوششوں پر بھی گفتگو کی گئی۔
ایرانی وزیر خارجہ عباس عراقچی نے علاقائی کشیدگی کے خاتمے اور سفارتی ذرائع سے مسائل کے حل کی ضرورت پر زور دیا۔
