اسلام آباد ( پاک ترک نیوز) حکومت نے پٹرولیم مصنوعات کی قیمتوں میں ردوبدل کر دیا ، جس کے تحت ہائی اسپیڈ ڈیزل کی قیمت میں اضافہ جبکہ پٹرول کی قیمت میں معمولی کمی کی گئی ہے۔
جاری کردہ نوٹیفکیشن کے مطابق ہائی اسپیڈ ڈیزل کی قیمت میں 2 روپے 24 پیسے فی لیٹر اضافہ کیا گیا ہے، جس کے بعد ڈیزل کی نئی قیمت 390 روپے 62 پیسے فی لیٹر مقرر کر دی گئی ہے۔
دوسری جانب عوام کو پٹرول کی قیمت میں معمولی ریلیف دیتے ہوئے 75 پیسے فی لیٹر کمی کی گئی ہے۔ کمی کے بعد پٹرول کی نئی قیمت 335 روپے 6 پیسے فی لیٹر مقرر کر دی گئی ہے۔
یہ بھی پڑھیں: امریکہ کے ایران پر ایک بار پھر حملے
نئی قیمتوں کا اطلاق فوری طور پر کر دیا گیا ہے، جبکہ ڈیزل مہنگا ہونے سے ٹرانسپورٹ اور اشیائے ضروریہ کی ترسیل کے اخراجات بڑھنے کا امکان ظاہر کیا جا رہا ہے، تاہم پٹرول کی قیمت میں معمولی کمی سے عام صارفین کو محدود ریلیف ملے گا۔
