اسلام آباد ( پاک ترک نیوز) حکومت نے ہائی اسپیڈ ڈیزل کی قیمت میں 85 پیسے فی لیٹر اضافہ کردیا، جس کے بعد ڈیزل کی نئی قیمت 400 روپے 67 پیسے کی سطح پر پہنچ گئی ہے، تاہم پیٹرول کی قیمت میں کوئی تبدیلی نہیں کی گئی۔پیٹرولیم ڈویژن کی جانب سے جاری نوٹیفکیشن کے مطابق آئل اینڈ گیس ریگولیٹری اتھارٹی نے وفاقی حکومت کے مقرر کردہ طریقہ کار کے تحت پیٹرولیم مصنوعات کی قیمتوں میں ردوبدل کیا ہے۔
نوٹیفکیشن کے مطابق ہائی اسپیڈ ڈیزل کی سابقہ قیمت 399 روپے 82 پیسے فی لیٹر تھی، جس میں 85 پیسے اضافے کے بعد نئی قیمت 400 روپے 67 پیسے مقرر کردی گئی ہے۔دوسری جانب پیٹرول کی قیمت 377 روپے 91 پیسے فی لیٹر برقرار رکھی گئی ہے۔ حکومت نے پیٹرول کی قیمت میں کسی قسم کی کمی یا اضافے کا اعلان نہیں کیا۔
یہ بھی پڑھیں: آصفہ بھٹو کی حنا جاوید کے اہلخانہ سے ملاقات، عدالتی کمیشن بنانے کی حمایت
وزارت توانائی کے مطابق عالمی منڈی میں پیٹرولیم مصنوعات کی قیمتوں اور دیگر اخراجات میں تبدیلی کے باعث ڈیزل کی قیمت میں اضافہ کیا گیا ہے۔
