اسلام آباد ( پاک ترک نیوز) نائب وزیراعظم اسحاق ڈار کا ترکیہ کے وزیر خارجہ ہاکان فیدان سے ٹیلی فونک رابطہ ہوا ہے ،دونوں وزرائے خارجہ نے خطے اور بین الاقوامی پیش رفت پر تبادلہ خیال کیا،دونوں رہنماؤں نے فلسطین کی سنگین صورتحال پرگفتگو بھی کی۔
اسحاق ڈار اور ترکیہ کے وزیر خارجہ نے غزہ اور مقبوضہ مغربی کنارے میں اسرائیلی فوجی کارروائیوں کے تسلسل، مقبوضہ مشرقی یروشلم میں مسجدِ اقصیٰ کے احاطے میں بار بار کی جانے والی خلاف ورزیوں اور بگڑتی ہوئی انسانی صورتحال پر گہری تشویش کا اظہار کیا۔
یہ بھی پڑھیں: پٹرولیم مصنوعات کی قیمتوں میں ردوبدل، ڈیزل مہنگا، پٹرول سستا
دونوں رہنماؤں نے فلسطینی عوام کے جائز حقوق کے لیے اپنی غیر متزلزل حمایت کا اعادہ کیا،فلسطینی عوام کی حمایت میں سفارتی کوششوں کو مربوط کرنے کی غرض سے عرب اور اسلامی ممالک کا اجلاس بلانے سے متعلق اردن کی تجویز پر بھی بات چیت کی۔
