اسلام آباد ( پاک ترک نیوز) آئی ایم ایف نے پاکستان سے رئیل اسٹیٹ میں منی لانڈرنگ روکنے کیلئے نگرانی سخت کرنے کا مطالبہ کردیا۔
عالمی مالیاتی ادارے نے پراپرٹی سیکٹر میں مشکوک ٹرانزیکشن رپورٹس کم ہونے پر تشویش کا اظہار کیا ہے ،آئی ایم ایف نے غیر قانونی اور بغیر ٹیکس رقم جائیداد میں لگائے جانے کے خدشات پر آئی ایم ایف کا اظہارِ تشویش کیا ہے ۔
یہ بھی پڑھیں: زرعی بینک کی نجکاری،آئی ایم ایف کا کسانوں کو قرضوں کی دستیابی متاثر ہونے کا خدشہ
ایف بی آر کو رئیل اسٹیٹ سیکٹر میں مشکوک لین دین کی رپورٹنگ مزید مؤثر بنانے کی ہدایت کی گئی ،عالمی مالیاتی بینک نے بینیفیشل اونرشپ ڈیٹا اور اینٹی منی لانڈرنگ فریم ورک بہتر بنانے پر زور دے دیا،پاکستان نے اینٹی منی لانڈرنگ اور دہشتگردی کی مالی معاونت روکنے کیلئے اقدامات تیز کرنے کی یقین دہانی کرا دی۔
آئی ایم ایف اور پاکستان میں فارن ایکسچینج، درآمدی ادائیگیوں اور کسٹمز ڈیٹا شیئرنگ بڑھانے پر اتفاق کیا گیا ،اسٹیٹ بینک نے کمزور بینکوں کی نگرانی اور بروقت کارروائی جاری رکھنے کا اعلان کیا ہے۔
