پنکی کیس میں پیش رفت ،پولیس نے ایف آئی اے سے مدد مانگ لی

کراچی (پاک ترک نیوز )کراچی میں گرفتار کوکین کوئین انمول عرف پنکی کیس میں اہم پیش رفت سامنے آئی ہے

منی لانڈرنگ اور سائبر کرائمز کی تحقیقات کیلئے ایف آئی اے سے مدد مانگ لی گئی ،ڈی آئی جی ساؤتھ اسد رضا نے وفاقی تحقیقاتی ادارے کو خط لکھ دیا

خط میں موقف اختیار کیا گیاتحقیقات میں پتہ چلا کہ ملزمہ کے ساتھی بینک اکاؤنٹس کے ذریعے رقم وصول اور منتقل کرتے تھے،ملزمان پر نارکوٹکس ٹریفکنگ اور مالیاتی لین دین میں ملوث ہونے کا شبہ ہے۔کیس میں سائبر اور بینکنگ ٹرانزیکشنز شامل ہونے کی وجہ سےتکنیکی مدد فراہم کی جائے
کراچی پولیس نے باقاعدہ انکوائری شروع کرنے، ایف آئی اے افسران کی تعیناتی کی درخواست کر دی ،خط میں کہا گیا ملزمہ انمول عرف پنکی کے خلاف گارڈن اور بغدادی تھانے میں 3 مقدمات درج ہیں ،ملزمہ کے خلاف منشیات ایکٹ، ناجائز اسلحہ اور قتل کی دفعات کے تحت کیسز زیر تفتیش ہیں