ہنگو(پاک ترک نیوز )ہنگو کے علاقے سروخیل میں گھر کے اندر فائرنگ کے افسوسناک واقعے میں 6 افراد جاں بحق ہوگئے۔ جاں بحق ہونے والوں میں 2 خواتین اور 3 بچے بھی شامل ہیں۔
ڈی پی او ہنگو صلاح الدین کے مطابق فائرنگ کے نتیجے میں 6 افراد زندگی کی بازی ہار گئے۔ پولیس نے لاشوں کو اسپتال منتقل کر دیا جبکہ واقعے کی وجوہات جاننے کے لیے تحقیقات شروع کر دی گئی ہیں۔
واضح رہے کہ اس سے قبل بھی ہنگو کے علاقے توغ سرائے میں تلخ کلامی کے بعد فائرنگ کا واقعہ پیش آیا تھا، جس میں 2 افراد جاں بحق جبکہ ایک شخص زخمی ہوگیا تھا۔
