اسلام آباد ( پاک ترک نیوز) وزیرِ اعظم شہباز شریف نے زیارت میں فتنہ الخوارج کی جانب سے پولیس چوکی پر دہشت گرد حملے کی شدید الفاظ میں مذمت کی ہے اور شہید ہونے والے ایس ایچ اوز سمیت پولیس اہلکاروں کو خراج عقیدت پیش کیا ہے۔وزیرِ اعظم نے شہداء کی بلندی درجات اور ان کے اہل خانہ کیلئے صبر کی دعا کی ہے۔
یہ بھی پڑھیں: گروپ کیپٹن عاصم طارق نے خاتون کی عزت کے تحفظ کیلئے جان دی ،وزیراعظم
وزیراعظم شہبازشریف نے کہا فتنہ الخوارج کے حملے نے ایک مرتبہ پھر سے ثابت کردیا کہ یہ لوگ بلوچستان کی ترقی و امن اور عوام کی خوشحالی کے دشمن ہیں،کسی کو بلوچستان کے امن کو نقصان پہنچانے نہیں دیں گے۔ امن دشمن دھشتگردوں کے سد باب تک انکے خلاف جنگ جاری رکھیں گے۔
