اسلام آباد ( پاک ترک نیوز) عالمی بینک نے پاکستان کیلئے 37 کروڑ 59 لاکھ ڈالر قرض کی منظوری دے دی۔قرض 10 سالہ توانائی پروگرام کے پہلے مرحلے کیلئے فراہم کیا جائے گا
قابلِ تجدید توانائی کے فروغ اور قومی گرڈ کے استحکام کیلئے اہم پیش رفت ہوئی ہے ،عالمی بینک نے پاکستان میں صاف توانائی کے فروغ کیلئے بڑا مالی تعاون منظور کر لیا ۔
قرضے کی رقم قومی پاور گرڈ کی اپ گریڈیشن اور جدید ٹرانسمیشن نظام پر خرچ ہوگی،منصوبے سے بجلی کی ترسیل بہتر اور لوڈشیڈنگ میں کمی لانے میں مدد ملے گی۔
عالمی بینک کے مطابق چھ سو چالیس میگا واٹ ونڈ پاور قومی گرڈ میں شامل کی جائے گی،جدید ٹرانسمیشن نظام سے بجلی کی لاگت میں کمی اور فراہمی میں بہتری متوقع ہے۔
یہ بھی پڑھیں: مہنگائی کی شرح میں کمی ،ادارہ شماریات کی رپورٹ
عالمی بینک کے مطابق منصوبہ گھریلو، صنعتی اور تجارتی صارفین کو بہتر بجلی کی فراہمی میں معاون ہوگا۔توانائی کا نظام موسمیاتی تبدیلیوں کے اثرات سے زیادہ محفوظ بنایا جائے گا۔
عالمی بینک کے مطابق منصوبے سے سالانہ 8 لاکھ 32 ہزار ٹن کاربن اخراج میں کمی متوقع ہے ، منصوبہ حکومت کی پاور سیکٹر اصلاحات کو تقویت دے گا۔
