لاہور(پاک ترک نیوز)
ایشز سیریز کے آخری ٹیسٹ میچ کا کل سے آغاز ہونے جا رہا ہے ۔پانچ میچوں پر مشتمل سیریز کا آخری ٹیسٹ میچ سڈنی میں کھیلا جائے گا ۔
انگلینڈ نے ایشز سیریز کے پانچویں ٹیسٹ میچ کیلئے میتھو پوٹس اور شعیب شبیر کو طلب کرلیا ہے تاہم ان کے انتخاب کا فیصلہ پچ اور کنڈیشنز کو دیکھ کر کیا جائے گا ۔
دوسری جانب آسٹریلیا کے بلے باز عثمان خواجہ نے ریٹائرمنٹ کا اعلان کردیا ہے ۔عثمان خواجہ نے بتایا کہ سڈنی میں کھیلا جانے والا ٹیسٹ ان کے 15 سالہ بین الاقوامی کیریئر کا آخری میچ ہوگا۔
تاہم عثمان خواجہ بگ بیش لیگ میں برسبین ہیٹ اور ڈومیسٹک کرکٹ میں کوئنزلینڈ کی نمائندگی جاری رکھیں گے۔
عثمان خواجہ آسٹریلیا کے کامیاب ترین بلے بازوں میں شمار ہوتے ہیں۔ وہ اب تک 87 ٹیسٹ میچز میں 6206 رنز بنا چکے ہیں اور ان کے نام 16 سنچریاں ہیں۔
واضح رہے کہ پانچ میچوں پر مشتمل سیریز میں آسٹریلیا کو تین ایک کی ناقابل شکست برتری حاصل ہے ۔ آسٹریلیا نے پہلے تینوں میچز جیت کر سیریز اپنے نام کی تھی ۔
