مستفیض الرحمن کو کولکتہ نائٹ رائیڈرز کی ٹیم سے نکال دیا گیا

کولکتہ : (پاک ترک نیوز)بھارتی کرکٹ بورڈ کا تعصب کھل کر سامنے آگیا ۔ بنگلا دیشی کرکٹرزپربھی آئی پی ایل کےدروازےبندہونا شروع ہوگئے۔
مستفیض الرحمن کوکولکتہ نائٹ رائیڈرز کی ٹیم سےنکال دیاگیا،بنگلا دیش سےکشیدہ سیاسی تعلقات کےباعث مستفیض الرحمن کو نکالا گیا،بھارتی کرکٹ بورڈ کے کہنے پرکولکتہ نائٹ رائیڈرز نے مستفیض کو اسکواڈ سے ریلیز کیا گیا۔
خیال رہے کہ بولی ووڈ سپر اسٹار شاہ رخ خان انڈین پریمیئر لیگ (آئی پی ایل) فرنچائز کولکتہ نائٹ رائیڈرز کے لیے بنگلا دیشی کھلاڑی کو منتخب کرنے پر سخت تنقید کی زد میں آگئے تھے جبکہ بھارتیہ جنتا پارٹی نے انہیں غدار قرار دے دیا تھا۔بی جےپی کے رہنما سنگیت سوم نے اداکار شاہ رخ خان کو بنگلادیشی کھلاڑی کو خریدنے پر تنقید کا نشانہ بنایا تھا۔
سنگیت سوم نے شاہ رخان کو بنگلادیشی فاسٹ بولر مستفیض الرحمان کو خریدنے پر ’غدار‘ قرار دیتے ہوئے خبردار کیا کہ اگر بنگلا دیشی کھلاڑی آئی پی ایل کے لیے بھارت پہنچا تو اسے ایئرپورٹ سے نکلنے کی اجازت نہیں دی جائے گی۔
یاد رہے کہ 16 دسمبر کو ابوظبی میں منعقدہ آئی پی ایل 2026 کی نیلامی میں شاہ رخ خان نے اپنی فرنچائز کولکتہ نائٹ رائیڈرز کے لیے بنگلہ دیشی فاسٹ بولر مستفیض الرحمان کو منتخب کیا تھا۔ وہ واحد بنگلادیشی کھلاڑی تھے جنہیں کولکتہ نائٹ رائڈرز نے 9.2 کروڑ روپے میں خریدا تھا۔