واشنگٹن ( پاک ترک نیوز) امریکی صدر ڈونلڈ ٹرمپ نے کہا ہے کہ وہ لوگوں کو مارنے کے بجائے معاہدہ کرنے کو ترجیح دیتے ہیں اور ایران کے ساتھ مذاکرات آج ہوں گے۔
ڈونلڈ ٹرمپ نے اپنے بیان میں کہا کہ ایران پر حملے کا منصوبہ سعودی عرب، متحدہ عرب امارات، قطر اور ایران کی درخواست پر منسوخ کیا گیا۔ ان کا کہنا تھا کہ دونوں ممالک کے درمیان رابطے مذاکراتی فریم ورک کے تحت جاری ہیں۔
امریکی صدر نے دعویٰ کیا کہ اگر ایران پر حملہ کیا جاتا تو یہ دوسری جنگِ عظیم کے بعد سب سے بڑا حملہ ہوتا۔
یہ بھی پڑھیں: عالمی منڈی میں خام تیل سستا
انہوں نے مزید کہا کہ آبنائے ہرمز کے حوالے سے معاہدہ موجود ہے، جبکہ ایران کے ایٹمی ہتھیاروں کے خاتمے سے متعلق بھی معاہدہ طے پانے کی امید ہے۔
ڈونلڈ ٹرمپ کا کہنا تھا کہ ان کی خواہش ہے کہ تنازعات کو جنگ کے بجائے مذاکرات اور سفارت کاری کے ذریعے حل کیا جائے۔
