نیو یارک ( پاک ترک نیوز) امریکی صدر ڈونلڈ ٹرمپ کی جانب سے ایران پر مجوزہ حملہ روکنے کے اعلان کے بعد عالمی منڈی میں خام تیل کی قیمتوں میں نمایاں کمی ریکارڈ کی گئی۔
برینٹ خام تیل کی قیمت 4 اعشاریہ 08 ڈالر کمی کے بعد 83 اعشاریہ 85 ڈالر فی بیرل پر آگئی۔
اسی طرح امریکی ویسٹ ٹیکساس انٹرمیڈیٹ (WTI) خام تیل 4 اعشاریہ 01 ڈالر سستا ہونے کے بعد 80 اعشاریہ 66 ڈالر فی بیرل پر ٹریڈ کر رہا ہے۔
یہ بھی پڑھیں: آبنائے ہرمز کی بندش کا معاملہ امریکہ کی جانب سے کیے گئے وعدوں کی خلاف ورزی سے جڑا ہوا ہے،اسماعیل بقائی
ماہرین کے مطابق ایران اور امریکہ کے درمیان کشیدگی میں کمی، ممکنہ مذاکرات اور مشرق وسطیٰ میں بڑے فوجی تصادم کے خدشات کم ہونے سے عالمی منڈی میں تیل کی سپلائی سے متعلق خدشات میں کمی آئی، جس کے باعث خام تیل کی قیمتیں نیچے آگئیں۔
