بشکیک (پاک ترک نیوز) ایرانی صدر مسعود پزشکیان نے خطے میں امن کے قیام کے لیے پاکستان کی کوششوں کو سراہتے ہوئے کہا ہے کہ برادر ملک پاکستان نے خطے میں امن کے قیام کے لیے اہم کردار ادا کیا۔شنگھائی تعاون تنظیم کے سربراہی اجلاس سے خطاب کرتے ہوئے ایرانی صدر نے کہا کہ امن کے قیام کے لیے اسلام آباد میں ہونے والے مذاکرات کا کردار ہمیشہ یاد رکھا جائے گا۔
مسعود پزشکیان نے کہا کہ اگر امریکا مفاہمتی یادداشت کے تحت اپنی ذمہ داریوں پر واپس آتا ہے تو ایران بھی مثبت جواب دے گا۔ایرانی صدر نے خطے میں طاقت کے استعمال پر مبنی پالیسیوں کو تنقید کا نشانہ بناتے ہوئے کہا کہ ایسی پالیسیوں کا تسلسل صرف ممالک ہی نہیں بلکہ پورے خطے اور دنیا کے استحکام کے لیے بھی خطرہ ہے۔
یہ بھی پڑھیں: صدر آصف علی زرداری لندن پہنچ گئے
انہوں نے زور دیا کہ خطے میں پائیدار امن کے لیے مذاکرات، باہمی احترام اور تعاون کو فروغ دینا ضروری ہے۔
