بشکیک(پاک ترک نیوز )روسی صدر ولادیمیر پیوٹن نے کہا ہے کہ امریکا اور اسرائیل کے خلاف جاری جنگ میں روس ایرانی عوام اور حکومت کے ساتھ کھڑا ہے۔ایرانی صدر مسعود پزشکیان سے ملاقات کے دوران پیوٹن نے کہا کہ موجودہ فوجی اور سیاسی کشیدگی روس اور ایران کے درمیان دوطرفہ تعاون کی راہ میں رکاوٹ نہیں بن سکتی۔ دونوں رہنماؤں نے باہمی تعاون کو مزید فروغ دینے پر بھی تبادلہ خیال کیا۔روسی صدر نے واضح کیا کہ امریکی پابندیوں کے باوجود ایران کے ساتھ اقتصادی اور تجارتی تعلقات جاری رکھے جائیں گے، جبکہ ماسکو مشکل حالات میں تہران کو ضروری تعاون فراہم کر رہا ہے۔
دوسری جانب امریکا ایران کے ساتھ کاروباری اور معاشی روابط رکھنے والے ممالک پر نئی پابندیاں عائد کرنے کی دھمکی دے رہا ہے۔ امریکی محکمہ خزانہ نے حالیہ دنوں میں ایران سے منسلک مالی اور تجارتی نیٹ ورکس کے خلاف پابندیوں کا دائرہ مزید وسیع کیا ہے۔
