دبئی (پاک ترک نیوز )مشرقِ وسطیٰ میں بڑھتی کشیدگی کے پیشِ نظر متحدہ عرب امارات میں امریکی سفارتخانے نے اپنے شہریوں کے لیے ہنگامی سیکیورٹی وارننگ جاری کردی۔سفارتخانے نے امریکی شہریوں کو انتہائی چوکنا رہنے اور خطے میں سیکیورٹی صورتحال پر مسلسل نظر رکھنے کی ہدایت کی ہے۔
یہ بھی پڑھیں: روس ایران کے ساتھ کھڑا ہے، امریکا کی پابندیوں کو خاطر میں نہیں لائیں گے: پیوٹن
امریکی شہریوں کو غیر ضروری سفر سے گریز، ہجوم والے مقامات سے دور رہنے اور مقامی حکام کی ہدایات پر عمل کرنے کا مشورہ دیا گیا ہے۔سفارتخانے نے ممکنہ فضائی حدود کی بندش اور پروازوں میں تعطل کے خدشے کے پیشِ نظر شہریوں کو سفری منصوبوں میں ممکنہ تبدیلی کے لیے بھی تیار رہنے کی ہدایت کی ہے۔
