لاہور (پاک ترک نیوز) صدر مملکت آصف علی زرداری آج اہم دورے پر لاہور پہنچیں گے، پیپلز پارٹی پنجاب کی تنظیمی اور انتخابی حکمت عملی زیر بحث آنے کا امکان ہے۔ذرائع کے مطابق صدر مملکت لاہور میں پیپلز پارٹی پنجاب کی قیادت سے ملاقات کریں گے، جس میں صوبے میں پارٹی کی سیاسی پوزیشن اور تنظیمی صورتحال پر بریفنگ دی جائے گی۔ملاقات میں پنجاب میں آئندہ انتخابات کی تیاریوں اور انتخابی حکمت عملی پر بھی مشاورت متوقع ہے۔
یہ بھی پڑھیں: ملک کے کئی علاقوں میں بارش ، پہاڑوں پر برفباری، سردی کی شدت میں اضافہ
ذرائع کا کہنا ہے کہ پارٹی کو پنجاب میں فعال اور مضبوط بنانے کے لیے مختلف تجاویز زیر غور آئیں گی، جبکہ سیاسی رابطوں اور تنظیمی امور سے متعلق اہم فیصلے بھی متوقع ہیں۔
