اسلام آباد ( پاک ترک نیوز) صدر مملکت آصف علی زرداری لندن کا دو ہفتے کا غیر سرکاری دورہ مکمل کرکے وطن واپس پہنچ گئے ہیں۔
ذرائع کے مطابق صدر آصف علی زرداری کی لندن سے روانگی میں تاخیر ہوئی، تاہم اب وہ پاکستان پہنچ گئے ہیں۔ذرائع کا کہنا ہے کہ صدر مملکت آج ایوان صدر پہنچ کر اپنی آئینی ذمہ داریاں دوبارہ سنبھالیں گے۔
صدر آصف علی زرداری کی وطن واپسی کے بعد اہم سرکاری اور سیاسی سرگرمیوں کا آغاز متوقع ہے، جبکہ آئندہ دنوں میں اہم سیاسی اور حکومتی معاملات پر مشاورت کا بھی امکان ہے۔ذرائع کے مطابق صدر مملکت کی واپسی کے بعد ملک کی موجودہ سیاسی صورتحال سمیت اہم قومی امور پر مشاورت کا سلسلہ شروع ہوسکتا ہے۔
