راولپنڈی (پاک ترک نیوز)سہ ملکی کرکٹ سیریز میں پاکستان کی بیٹنگ لائن اپ سری لنکا کے خلاف ناکام ہوگئی، قومی ٹیم پوری 110 رنز پر آؤٹ ہوگئی۔ سری لنکا کو کامیابی کے لیے 111 رنز کا ہدف مل گیا۔
پاکستان کے سات کھلاڑی ڈبل فگر میں بھی داخل نہ ہوسکے۔ اوپنر معاذ صداقت 8، فخر زمان اور سعد بیگ 5، 5 رنز بنا کر آؤٹ ہوئے۔ بابر اعظم 29 رنز کے ساتھ نمایاں رہے، جبکہ کپتان سلمان علی آغا 9 رنز بنا کر پویلین لوٹ گئے۔
شاداب خان 2، عرفات منہاس 10، حسن نواز 17 اور حارث رؤف ایک رن بنا سکے۔ قومی بیٹنگ لائن اپ سری لنکن بولرز کے سامنے بڑا اسکور کرنے میں ناکام رہی۔
یہ بھی پڑھیں: 50ہزار تنخواہ۔گھر کیسے چلے گا؟
سری لنکا کو فائنل میں رسائی کے لیے اس میچ میں فتح درکار ہے۔ سری لنکن ٹیم کی کامیابی کی صورت میں انگلینڈ ایونٹ سے باہر ہوجائے گا۔ پاکستان ٹیم پہلے ہی سہ ملکی سیریز کے فائنل کے لیے کوالیفائی کرچکی ہے۔
