اسلام آباد ( پاک ترک نیوز) چکوال میں سی سی ڈی اہلکار کی فائرنگ سے جاں بحق بچی کی پوسٹ مارٹم سامنے آ گئی ،رپورٹ کے مطابق آسٹریلوی نژاد 9 سالہ بچی کی موت متعدد گولیاں لگنے سے ہوئی۔
ڈاکٹرز کی رائے کے مطابق گولیوں کے گہرے زخموں کے باعث شدید خون بہنے سے بچی کی جان گئی، شدید صدمے اور خون بہنے کے باعث دل اور پھیپھڑوں نے کام کرنا بند کردیا۔
رپورٹ کے مطابق فائرنگ سے بچی کا جگر، بڑی اور چھوٹی آنتیں بھی شدید زخمی ہوئیں، بچی کی دائیں ران کی ہڈی بُری طرح ٹوٹ گئی۔
یہ بھی پڑھیں: مشکل حالات کے باوجود ریلیف پر مبنی بجٹ بنایا،عطا تارڑ
رپورٹ کے مطابق ہانیہ عدیل کے جسم پر گولیوں اور زخموں کے مجموعی طور پر 11 نشانات پائے گئے، بچی کے جسم سے گولی کا دھاتی ٹکرا برآمد کرکے پولیس کے سپرد کردیا گیا۔
