لاہور( پاک ترک نیوز) لاہور میں تحریک انصاف کے رہنما عبداللہ طاہر کے قتل کیس کی تفتیش میں اہم پیش رفت سامنے آئی ہے، جہاں مرکزی شوٹرز سمیت تین ملزمان کی گرفتاری محکمہ انسدادِ دہشت گردی پولیس کے لیے ایک اہم ٹیسٹ کیس بن گئی ہے۔
پولیس ذرائع کے مطابق قتل کی واردات کا مبینہ ماسٹر مائنڈ اور دو مرکزی شوٹرز فرار ہو کر علاقہ غیر میں روپوش ہو گئے ہیں، جن کی گرفتاری کے لیے پولیس کی خصوصی ٹیم وہاں پہنچ چکی ہے اور کارروائیاں جاری ہیں۔
تفتیشی ذرائع کا کہنا ہے کہ عبداللہ طاہر کی نقل و حرکت پر نظر رکھنے والے مبینہ ڈرون آپریٹر کی بھی نشاندہی کر لی گئی ہے۔
یہ بھی پڑھیں: عبدال السید کی بڑی کامیابی، امریکی سیاست میں نیا موڑ؟
پولیس کے مطابق ڈرون آپریٹر نے عبداللہ طاہر کے قتل کے منصوبے پر عمل درآمد کے لیے ڈرون کی چار پروازیں کیں، جن کے ذریعے مقتول کی سرگرمیوں اور آمدورفت کی نگرانی کی جاتی رہی۔
ذرائع کا کہنا ہے کہ تفتیش کا دائرہ مزید وسیع کر دیا گیا ہے اور جدید شواہد کی بنیاد پر مرکزی شوٹرز سمیت تمام مفرور ملزمان کو جلد گرفتار کر لیا جائے گا۔
