دبئی ( پاک ترک نیوز) آئی سی سی ون ڈےبیٹرز رینکنگ میں نیوز ی لینڈ کے ڈیرل مچل کی پہلی پوزیشن برقرار ہے،بھارت کےورات کوہلی کی دوسری اور افغانستان کے ابراہیم زدران کی تیسری پوزیشن ہے ۔
پاکستان کے بابراعظم کی چھٹی پوزیشن برقرارہے ،افغانستان کے رحمان اللہ گرباز 6 درجہ بہتری کے بعد 13 ویں پوزیشن پر چلے گئے ،بنگلہ دیش کے توحید ہری دوئے 7 درجہ بہتری کے بعد 20 ویں پوزیشن پر آگئے ۔
ون ڈے بولرز رینکنگ میں افغانستان کے راشد خان کی پہلی اور پاکستان کے ابراراحمد کی دوسری پوزیشن برقرار ہے ،شاہین آفریدی ایک درجہ بہتری کے بعد 9 ویں نمبرپر آگئے۔
یہ بھی پڑھیں: فیفا ورلڈ کپ،آسٹریا نے اردن کو شکست دیدی
بنگلہ دیش کے شریف الاسلام 10 درجہ بہتری کے بعد 18 ویں نمبرپر آگئے۔بنگلہ دیش کے مستفیض الرحمن 12 درجہ بہتری کے بعد 25 ویں پوزیشن پر براجمان ہیں ۔تسکین احمد 5 درجہ بہتری کے بعد 27 ویں نمبر پر آگئے۔
بھارت کے ارشدیپ سنگھ 14 درجہ بہتری کے بعد 39 ویں نمبر پر پہنچ گئے ۔ ون ڈے آل راؤنڈرز رینکنگ میں افغانستان کے عظمت اللہ عمرزئی کی پہلی پوزیشن برقرار ہے۔
