لاہور (پاک ترک نیوز ) ویسٹ انڈیز کے خلاف پہلے ٹیسٹ کے تیسرے روز پاکستان ٹیم 282رنز پر آؤٹ ہو گئی ۔میزبان ٹیم کو پہلی اننگز میں انتیس رنز کی برتری حاصل ہو گئی۔ویسٹ انڈیز نے پاکستان کے خلاف دوسری اننگز میں 7 وکٹوں کے نقصان پر 126 رنز بنا کر مجموعی برتری 155 رنز تک پہنچا دی۔
پاکستان ٹیم تیسرے روز صرف پندرہ رنز کا اضافہ کر سکتی ۔ جسٹن گریوز نے محمد عباس کو بغیر کوئی رن بنائے آؤٹ کر کے ٹیسٹ کیریئر کی پہلی پانچ وکٹیں مکمل کیں۔ٹیل اینڈر خرم شہزاد نے مزاحمت کرتے ہوئے 36 گیندوں پر 19 رنز بنائے، لیکن کیمار روچ نے انہیں آؤٹ کرکے پاکستانی اننگز کا خاتمہ کیا۔
ویسٹ انڈیز کی جانب سے جسٹن گریوز نے 11 اوورز میں صرف 27 رنز دے کر 5 وکٹیں حاصل کیں۔ کیمار روچ اور شمار جوزف نے دو، دو جبکہ جیڈن سیلز نے ایک وکٹ اپنے نام کی۔
یہ بھی پڑھیں: بابراعظم دوبارہ بڑے امتحان کیلئے تیار
شان مسعود اور سلمان علی آغا نے ذمہ دارانہ بیٹنگ کرتے ہوئے چوتھی وکٹ کے لیے 47 رنز کی شراکت قائم کی۔شان مسعود نے شاندار سنچری اسکور کی، جو ان کے ٹیسٹ کیریئر کی ساتویں جبکہ ویسٹ انڈیز کے خلاف پہلی سنچری تھی۔
شان مسعود 184 گیندوں پر 109 رنز بنا کر آؤٹ ہوئے، ان کی اننگز میں 12 چوکے شامل تھے جبکہ انکے بعد سلمان علی آغا 60 گیندوں پر 20 رنز بنا کر شمار جوزف کی گیند پر بولڈ ہوئے۔
