کراچی(پاک ترک نیوز ) ملک میں سونے اور چاندی کی قیمتوں میں کمی ریکارڈ کی گئی ہے۔فی تولہ سونے کی قیمت 3 ہزار 800 روپے کمی کے بعد 4 لاکھ 53 ہزار 336 روپے ہوگئی۔
اسی طرح 10 گرام سونے کی قیمت 3 ہزار 258 روپے کم ہوکر 3 لاکھ 88 ہزار 662 روپے ہوگئی۔عالمی مارکیٹ میں سونے کی قیمت میں 38 ڈالر فی اونس کمی ریکارڈ کی گئی۔
دوسری جانب ملک میں ایک تولہ چاندی کی قیمت 122 روپے کم ہوکر 6 ہزار 802 روپے ہوگئی، جبکہ 10 گرام چاندی 105 روپے سستی ہونے کے بعد 5 ہزار 831 روپے کی ہوگئی۔
عالمی مارکیٹ میں چاندی کی قیمت میں اس کے برعکس 1.22 ڈالر اضافہ ہوا اور فی اونس چاندی کی قیمت 63.23 ڈالر ہوگئی۔
