اسلام آباد ( پاک ترک نیوز) پاکستان برادر ممالک کے ساتھ مل کر آبنائے ہرمز کے معاملے کو حل کرنے کی کوششیں کر رہا ہے ۔
ترجمان دفترخارجہ طاہر حسین اندرابی کی ہفتہ وار بریفنگ میں بتایا کہ آبنائے ہرمز میں کشیدگی کم کرنے کے لئے اومان کے کردار کو سراہتے ہیں ۔اومان نے تنازعے کے حل کے لئے انتہائی پرخلوص کوششیں کی ہیں ۔
ترجمان دفتر خارجہ طاہر اندرابی نے بریفنگ کے دوران بتایا کہ 30 جولائی کو نائب وزیراعظم اسحاق ڈار کی سعودی وزیر خارجہ سے بات چیت ہوئی،نائب وزیراعظم نے ایرانی وزیر خارجہ کے ساتھ بھی خطے خی صورتحال پر بات کی۔
دفتر خارجہ کے ترجمان کے مطابق نائب وزیراعظم نے ایرانی وزیر خارجہ کو دورہ پاکستان کی دعوت دی ہے۔وزیراعظم شہباز شریف آج سے 8 اگست تک سعودی عرب کا دورہ کریں گے۔
یہ بھی پڑھیں: وزیراعلیٰ سندھ مراد علی شاہ سے جمہوریہ کوریا کے قونصل جنرل کی ملاقات
ترجمان دفتر خارجہ کا کہنا تھا کہ وزیراعظم شہباز شریف کے ہمراہ نائب وزیراعظم اسحاق ڈار اور فیلڈ مارشل و چیف آف ڈیفنس فورسز جنرل عاصم منیر اور دیگر ارکان ہونگے۔
وزیراعظم شہباز شریف سعودی عرب میں قیام کے دوران سعودی فرمانروا سے ملاقات کریں گے ۔
