اسلام آباد ( پاک ترک نیوز) نائب وزیراعظم اسحاق ڈار کا کہناہے پاکستان نے ایران ،امریکہ مذاکراتی عمل میں سہولت کاری کی۔ پاکستان نے خلیجی خطے میں تنازع کے حل کے لیے سفارتی کردار ادا کیا،فریقین مذاکرات اور سفارتکاری سے تنازع حل کریں ۔
نائب وزیراعظم اسحاق ڈار نے منیلا میں آسیان ریجنل فورم سے خطاب میں کہا پاکستان تنازعات کے حل کے لیے مذاکرات اور سفارتکاری پر یقین رکھتا ہے ۔عالمی اور علاقائی چیلنجز سے نمٹنے کے لیے موثر کثیر الجہتی تعاون ناگزیر ہے۔
اسحاق ڈار نے کہا بھارت کا سندھ طاس معاہدہ معطل کرنا تشویشناک اور اشتعال انگیز اقدام ہے، مقبوضہ کشمیر کا حل ہی جنوبی ایشیا میں پائیدار امن کی بنیاد ہے ، پاکستان مسئلہ کشمیر کے منصفانہ حل کی حمایت جاری رکھے گا۔عالمی برادری تنازعات کےحل کے لیے کردار ادا کرے۔
یہ بھی پڑھیں: تیزی سے بڑھتی ہوئی آبادی ملک کے لئے سب سے بڑا چیلنج ہے،وزیراعظم
نائب وزیر اعظم نے مزید کہا دہشت گردی عالمی امن و سلامتی کے لیے سنگین خطرہ ہے ۔افغانستان سے دہشت گرد گروہ سرگرم ہیں ،افغان حکومت اپنی سرزمین کو دہشت گردی کے استعمال سے روکے۔
اسحاق ڈار نے کہا پاکستان کو غزہ کی صورتحال پر تشویش ہے،پاکستان آزاد فلسطینی ریاست کا قیام چاہتا ہے۔
