ماسکو ( پاک ترک نیوز) روس کی ایک عدالت نے صحافی داریا شیپاچیوا کو غداری کے مقدمے میں قصوروار قرار دیتے ہوئے 12 سال قیدِ بامشقت کی سزا سنا دی۔
غیر ملکی خبر رساں ادارے کے مطابق ماسکو کی عدالت میں مقدمے کی سماعت بند کمرے میں ہوئی، جبکہ حکام نے مقدمے کی تفصیلات جاری نہیں کیں۔ تاہم روسی میڈیا کے مطابق ان پر یوکرین کو مبینہ طور پر رقم منتقل کرنے کا الزام تھا۔
رپورٹس کے مطابق داریا شیپاچیوا نے عدالت میں جرم کا اعتراف کیا، جس کے بعد انہیں اس جرم کی کم از کم سزا سنائی گئی۔ آزاد خبر رساں ادارے کی جانب سے جاری مختصر ویڈیو میں فیصلہ سنائے جانے کے بعد صحافی کو حیران اور پریشان دیکھا جا سکتا ہے۔
یہ بھی پڑھیں: لاہور ہائیکورٹ نے نورین نیازی کو گرفتار کرنے سے روک دیا
میڈیا رپورٹس کے مطابق داریا شیپاچیوا سائنس اور طبی صحافت سے وابستہ تھیں اور روس کے کئی معروف میڈیا اداروں میں خدمات انجام دے چکی ہیں۔
