لاہور( پاک ترک نیوز) جماعت اسلامی نے پٹرولیم لیوی کے خاتمے اور پٹرول سستا کرنے کیلئے سات اگست کو ملک گیر احتجاج کا اعلان کر دیا ۔۔جماعت اسلامی کے امیر حافظ نعیم الرحمان کا کہناہے سات اگست کو پاکستان کی تمام شاہراہوں کو بند کریں گے۔ حکومتی نااہلی، کرپشناور لوٹ مار پر میدان میں نکل کر نکلنا چاہیئے۔۔احتجاج سے پہلے عوام کو متحرک کریں گے ۔
حافظ نعیم الرحمان نے کہا اگر ایک بار قوم باہر آ گئی تو پھر حکمران گھر چلے جائیں گے، اگر حکمرانوں نے ہمارے پرامن احتجاج کو روکنے کا کوئی ہتھکنڈا آزمایا تو پھر کہیں یہ احتجاج حکومت گراؤ تحریک میں تبدیل نہ ہو جائے۔
امیر جماعت اسلامی نے کہا گیارہ ارب کا جہاز مریم نواز کے لیے آ گیا ،پنجاب میں غربت بڑھ گئی،عوام رل گئے ،گیارہ ہزار اسکول بیچے گئے ،اسپتال ٹھیکے پر دیئے جا رہے ہیں ،حکومت بتائے آئی پی پیز کے ساتھ نئے معاہدے کا معاملہ کہاں تک پہنچا۔
یہ بھی پڑھیں: اے سی کی ٹھنڈک یا بیماریوں کا جال؟
امیر جماعت اسلامی نے کہا ہمارے احتجاج سے کسی کو تکلیف ہوتی ہے تو ہوتی رہے، اسٹیبلشمنٹ کی بہترین ٹیم پی پی اور بلاول بھٹو ہے۔خواجہ آصف کے بیان کو کوئی اچھا نہیں سمجھتا ن لیگ کو ایکشن لینا چاہئیے۔
حافظ نعیم الرحمان نے کہا بانی پی ٹی آئی کو اقتدار سے جس اتحاد نے الگ کیا اس کے سربراہ مولانا فضل الرحمن تھے اب مولانا کس سے شکایت کررہے ہیں، بانی پی ٹی آئی کی بہن کا بیان ان کی جماعت نے ہی قبول نہیں کیا تو اس پر بات کرنا بنتی نہیں ہے،
پیپلزپارٹی کی گلگت بلتستان میں حکومت ناجائز ہے، بلوچستان میں انسانی جان مزدور محفوظ نہیں ہیں حکومت یہ کہہ کر جان نہیں چھڑوا سکتی کہ بیرونی ہاتھ ملوث ہے،حکومت بتائے کہ طاقت کس کے پاس ہے،بلوچستان میں بات چیت ہونی چاہییے۔
