تہران (پاک ترک نیوز ) ایران نے آبنائے ہرمز کے باہر نو گو زون قائم کرنے کا فیصلہ کر لیا ہے۔ایرانی سپریم نیشنل سیکیورٹی کونسل کے سیکریٹری محسن رضائی کے مطابق آبنائے ہرمز میں بحری جہازوں کی آمد و رفت کے راستوں سے متعلق عمان کے ساتھ اتفاقِ رائے ہوگیا ہے۔محسن رضائی نے کہا کہ پابندی والے زون کا اعلان آئندہ چند روز میں کیا جائے گا۔ یہ زون امریکی ناکہ بندی کی لائن سے شروع ہو کر خلیج تک پھیلا ہوگا۔
انہوں نے خبردار کیا کہ نو گو زون میں داخل ہونے والے ہر بحری جہاز کو پابندیوں کی فہرست میں شامل کیا جائے گا۔دوسری جانب ایرانی وزارتِ خارجہ کے ترجمان اسماعیل بقائی نے کہا ہے کہ امریکا اور اسرائیل کے حملوں سے قبل آبنائے ہرمز مکمل طور پر کھلی تھی۔
یہ بھی پڑھیں: بحرالکاہل میں ریکارڈ توڑ ایل نینو، ماہرین موسمیات پریشان
اسماعیل بقائی کے مطابق امریکا نے خطے پر غیر قانونی اور وحشیانہ جنگ مسلط کی، جس کے نتیجے میں تجارتی جہاز رانی کا نظام متاثر ہوا جبکہ توانائی کی قیمتوں میں بھی اضافہ ہو رہا ہے۔
