دبئی ( پاک ترک نیوز) آئی سی سی نے خواتین کی ٹی ٹوئنٹی کھلاڑیوں کی تازہ عالمی درجہ بندی جاری کردی، بیٹرز کی درجہ بندی میں آسٹریلیا کی بیتھ مونی نے اپنی پہلی پوزیشن برقرار رکھی ہے۔بھارت کی شفالی ورما ایک درجہ بہتری کے بعد چھٹے نمبر پر پہنچ گئی ہیں، جبکہ بنگلہ دیش کی نگار سلطانہ بھی ایک درجہ بہتری کے بعد 20ویں نمبر پر آگئی ہیں۔سری لنکا کی امیشا دلانی ایک درجہ ترقی کے بعد 21ویں نمبر پر پہنچ گئی ہیں، جبکہ جنوبی افریقہ کی انیکے بوش نے 323 درجے کی غیر معمولی چھلانگ لگاتے ہوئے 54ویں پوزیشن حاصل کرلی ہے۔
خواتین کی ٹی ٹوئنٹی بولرز کی درجہ بندی میں بھارت کی سری چرنی نے پہلی پوزیشن برقرار رکھی ہے، جبکہ بھارت کی دیپتی شرما چار درجے بہتری کے بعد دوسرے نمبر پر پہنچ گئی ہیں۔پاکستان کی نشرہ سندھو آٹھویں پوزیشن پر برقرار ہیں، جبکہ سعدیہ اقبال ایک درجہ بہتری کے بعد نویں نمبر پر آگئی ہیں۔
یہ بھی پڑھیں: ایشین گیمز، پاکستان کرکٹ ٹیم 24 ستمبر کو جاپان روانہ ہوگی
خواتین کی ٹی ٹوئنٹی آل راؤنڈرز کی درجہ بندی میں ویسٹ انڈیز کی ہیلی میتھیوز کی پہلی پوزیشن برقرار ہے۔بھارت کی شفالی ورما نے آل راؤنڈرز کی درجہ بندی میں بھی پانچ درجے بہتری حاصل کی ہے اور وہ 15ویں نمبر پر پہنچ گئی ہیں۔
